Kaya Kiye Cara Registrasi Ulang Nomer HP Dewek Ora Mawi Konter

Bibit.WS – Registrasi ulang nomer HP seluler wis mulai dibukak tanggal 31 Oktober 2017. Wong-wong sing nganggo nomer kartu seluler nang Indonesia wajib ndaftarna maning nomer hape sing lagi dienggo. Jerene sih paling lambat tanggal 28 Februari 2018 mbesuk (jere sih). Pancen si tesih suwe, tapi nek pas agi kober ya ora ana salaeh cok palanga kawit siki gone daftar. Jaga-jaga bae men aman. Tulin iya mbok?

Terus, kepriwe carane ndaftarna maning nomor hp sing wis aktif? Utawa arep daftar nomor anyar sing nembe bae tuku?

Lah kepriwe sih ya, ujar-ujare lagi rame ana pendaftaran nomer, malah nang konter-konter pada masang tarif. Antara sing seikhlase nganti nyebut nominal 5.000. Entut banget mbok kaya kue? Tapi ya ora papa ding, jenenge usaha di bidang jasa ya njaluk upah. Kader limangewu be, ora mawi repot ngetiki nomer KTP utawa NIK karo nomor Kartu Keluarga utawa KK.

Nah, lanjut ya. Kiye nang ngisor cara registrasi ulang nomer HP dewek bae, ora usah mawi lunga-lunga meng counter pulsa. Siapna bae datane:

1. Nomor KTP (NIK), bisa dideleng nang e-KTP ne rika dewek.
2. Nomor Kartu Keluarga (KK), posisine nang bagian tengah-nduwur kartu keluargane rika. Nang kono ya anu ana nomer NIK e.

Cara Registrasi Ulang Nomer HP Dewek Bae Aring Umah

Ora mawi nganah-nganah, kaya kie carane ndaftarna ulang nomor HP kabeh merek operator.

TELKOMSEL (Kartu AS / Simpati)

• Ndaftar Anyar => Reg(spasi)NIK#nomorKK#
• Ndaftar Ulang => ULANG(spasi)NIK#nomorKK#

XL / Axis

• Ndaftar Anyar => Daftar#NIK#nomorKK
• Ndaftar Ulang => ULANG#NIK#nomorKK

Indosat Ooredoo, Smartfren, dan 3 Indonesia (Tri)

• Ndaftar Anyar => NIK#NomorKK#
• Ndaftar Ulang => ULANG#NIK#NomorKK#

Kabeh kirime mung meng nomer 4444.

Dadi misale ana oknum sing ngomong kirim SMS meng nomer seliyane 4444, aja gelem. Terus, format daftar anyar utawane daftar ulang kue ya nganggo format kaya nang nduwur. Ora beda-beda adoh. Ora mawi nglebokna “Nama Ibu Kandung”, kue ora mawi, salah pokoke.

Wis ya, nek misale kangelen, mending langsung meng gerai operator bae takon sing genah. Kue nek misale rika gagal ndaftar dewek. Nek arep meng konter juga sing terpercaya. Aja ngasi data kependudukane dewek dienggo go ndaftarna nomere wong liya demi kepentingan pihak lain. Tulin iya, bahayalah pokoke nek nganti kaya kue.

Terakhir kie, nyong pribadi sing nulis orek-orekan nang kene njaluk ngapura mbok menawane ana kata-kata, kalimat, sing ora pas apamaning nganti nglarani ati. Yawis disit arep madang koh, kencot.. rika wis madang urung? Nek uwis ya waras, gari di-share men tanggane pada ngerti 😀